Ահավոր ա

Ահավոր ա (որպես ածական՝ ահավոր, նաև՝ ինչ ահավոր ա), մեմ, հոգեվիճակ, ալգորիթմային լուծում, ճիշտ պատասխան, որը ընդգրկում է մարդկային կենցաղի և գոյության բոլոր ոլորտները։ Առարկայական այս իրականության մեջ ահավորության ենթատեքստ և ընթացք են ձեռքբերում աշխարհի բոլոր երևույթները։ Ահավոր է այսօրվա եղանակը, դեպքերը, կառավարությունը, սնունդը, աշխատավայրը, աշխատանքային պայմանները, դասապրոցեսը, ընկերը, նախկինը, թվիթթերահայը և առանց բացառության՝ նրանցից յուրաքանչյուրի արտահայտած ցանկացած միտքը, գաղափարը և հույզը։ Այս աշխարհում, որտեղ ահավորությունը ամենուրեք է՝ սկսած պետական ապարատից մինչև անձնական կյանք, «ահավոր լինելն» արձանագրելը իրավիճակի միակ լուծումն է թվում։ Եթե քո նախկինը քեզ զայոբ է անում իր մտքերով ու սեքսի մասին իր պատկերացումներով, կարող ես ասել՝ «ինչ ահավոր ա» և դրանով ասել ամեն ինչ։ Եթե քաղաքական իրավիճակը այնպիսին է, որ Աշոծյանի ելույթից սիրտդ խառնում է, կարող ես ասել՝ «ինչ ահավոր ա» և ասել ամեն ինչ։

Ահավորությունը փիլիսոփայություն է և գաղափարախոսություն։ «Ահավոր» տերմինը պատահականորեն ծագել է շատ աշխատավայրերում և ուսումնական գործընթացներում։ Այն թրենդային է դարձել որոշ սոցիալական պլատֆորմներում և գտել լայն տարածում՝ նեղ շրջանակներում։ Նեղ շրջանակներում այս տերմինի տարածմանը նպաստել է նաև տերմինի ոչ տեղին օգտագործումը։

Բրիտանացի գիտնականների կատարած վերջին հետազոտությունները թույլ են տալիս ենթադրել, որ ահավորության տարածումը վարակիչ է։ Պատահական իրադրություններում, պատահական խմբված մարդկանց մեջ, եթե որևէ մեկը օգտագործի «ինչ ահավոր ա» արտահայտությունը, ապա այն շատ շուտով խմբում կդառնա իրոք թրենդային։

«Ահավոր» օգտագործողները բազմիցս ենթարկվել են քննադատության՝ արտահայտությունը ոչ տեղին օգտագործելու համար։ Բայց այս ահավոր աշխարհում, որտեղ ահավոր հիասթափությունը, դեպռեսիան ծավալված են մարդկային էության բոլոր ոլորտների մեջ, որտեղ ահավոր մարդիկ զավթել են իշխանությունը, ահավոր դասախոսները դասեր են տալիս, ահավոր հռետորները մեզ սովորեցնում թե ինչ է կյանքը և ինչպես այն օգտագործել, «ինչ ահավոր ա» չասելը համարյա գրեթե միշտ անհնար է։

Վեհ ահավորներ

Ահավորների այս դասին են պատկանում հիմնականում իշխանական, քրեաօլիգարխիկ տարրերը, թաղի լավ տղերքը, վեհ մտաոռականները, մոլի կրոնականները, օճառվողները և ակտիվ բլոգերները։ Դասին բնորոշ է իրականության անտրամաբանական մերժումը և սեփական կամքի չփաստարկված տարածումը աշխարհի վրա։ Այս մարդիկ կարծում են, որ աշխարհը իրենց գոյությամբ արդեն զրկվում է ահավորության իր գլխավոր բնութագրիչից։ Իրականության մերժողականությունը բերում է ահավորության կարծրացմանը և մեկուսացմանը։ Դասին պատկանող մարդկանց մոտ նկատվում է սեքսի պակաս, էգոյի անհավանական աճ, ուրիշի ոռ մտնելու անհասկանալի ցանկություն, կաշառակերություն և իրոք անհոդաբաշխ խոսք։ Որոշ հոգեբաններ, գտնում են, որ վեհերի միակ փրկությունը աշխարհի և սեփական անձի ահավորության ընդունումն է և ոռ մտնելուց հետո մի լավ լողանալը։ Բայց վեհ ահավորների հետ կապված ուսումնասիրությունները փակուղի են տանում․ ահավորությունը ճանաչած անձը դժվարությամբ է շփվում նրանց հետ և մյուս կողմից, նրանք բնավ չեն կարողանում հասկանալ, թե ինչ քաքի մեջ են։

Տուզիկություն

Ահավորության գիտակցումը կարող է հանգեցնել տուզիկության։ Սա աշխարհի ահավոր լինելը գիտակցելու ծայրահեղական ձև է, որը բնութագրվում է նախկինին հիշելու ախտանիշով, իշխանությունը կորցրածների մտավոր անհանգստություններով, լացով և տեղ-տեղ՝ ստամոքսաղիքային ուղու պարբերական խանգարումներով։ Տուզիկները անընդհատ կրկնում են, որ ամեն ինչ ահավոր է՝ հղում անելով միակ ճշմարտությանը, որը ցիկլային ձևով ազդում է սեփական ինքնության վրա։ Աշխարհիի ահավորությունը արձանագրողները մի պահի հասկանում են, որ նրանք նույնպես աշխարհի մի մաս են և հետևաբար ահավոր լինելը տարածվում է նաև սեփական անձի վրա։ Եթե այս գործընթացը չի հանդիպում հոգեբանական արգելքների, այն թափանցում է ամբողջ էության մեջ և ստիպում, որ սուբյեկտը անընդհատ կրկնի՝ «ահավոր ա»՝ սեփական անձը տանելով ինքնակործանման։

Տուզիկների դասը ներառում է բազմաթիվ ոլորտներ, բայց ավելի շատ հանդիպում է սոց ցանցերում, մալալետկաների շրջանում, էքզիստենցիալ-լիբերալ-սոցիալիստ-հեղափոխականների և այլ բաների մոտ։

Ահավորության տրամաբանական ապացույց

Q.E.D.

Երբ վեհերը խոսում են աշխարհի ինքնածին և անընդհատ ահավոր լինելը ապացուցելու անհնարինության մասին, տեսաբանները բերում են շատ պարզ, տրամաբանական ապացույց։

Բազմությունների տեսությունը մեզ հուշում է, որ կամայական a բազմություն, որը դատարկ չէ և պարունակում է 2 և ավելի ոչ համարժեք տարրեր, բազմության տարրերից առնվազն մեկին օժտում է ապրիորի ահավորության հատկությամբ։ Հետևաբար, այս աշխարհը, որը առարկայական տեսանկյունից դատարկ չէ (տե՛ս աշխարհի առարկայական և գոյաբանական դատարկությունների հակադարձման ավելի բարդացված տեսությունը), անհավասար, անկանոն և անհամարժեք է (տե՛ս հեղափոխություն) չի կարող ահավոր չլինել։ Աշխարհի ահավոր լինելու մերժումը տրամաբանության կանոնների մերժումն է։ Ահավոր լինելու հատկության բացառումը աշխարհաստեղծման և կյանքի հիմնական կանոնների բացառումն է։

Ահավորության ապացույցը պարզորոշ ընդգծում է վեհերի հանդեպ աշխարհի մյուս հատվածի ունեցած մոտեցումը։ Աշխարհի ահավոր լինելը մերժողը (վեհը) խախտում է աշխարհի հավասարակշռությունը և պետք է մերժվի (տե՛ս մերժում, մերժիր սերժին):

Ահավոր սոցիալական ցանցեր

Ահավոր Թվիթթեր

ահավոր թվիթթեր

Թվիթերը և թվիթթերահայերը ահավոր են։ Բազմաշերտ քֆուրները, բրինձը, դեպրեսված գրառումները, դեպրեսիայի գիտական ճշտումներով գրառումները, դաշտանի մասին թվիթները, վուլգար ֆեմինիզմը, հակաֆեմինիզմը, քաղաքական վերլուծությունները, քաղաքական անլուրջ վերլուծությունները, տուզիկ գրառումները, գյումրվա բարբառով թվիթած խտրական թվիթները, քուլ երևալու համար արած խտրական թվիթները, ոչնչություն երևալու համար արած խտրական թվիթները, պացիֆիզմը, հոմոֆոբիան ու հոմոֆիլիան, սեքսի մասին ոչ ճշգրիտ գրառումները, սեքս տենչացող ոչ ճշգրիտ գրառումները, գարնանային նիդատրախը, տղաները, աղջիկները, ոչ բինար համակարգում ապրողները, ծայրահեղականները, քվիրները, քվիրներին մերժողները, մերժողներին մերժողները, Սերժին մերժողները, Նիկոլին մերժողները, մերժվածները, էլիտար գրառումները, էլիտարին ձգտող գրառումները, խոհափիլիսոփայական աղբը, խոհափիլիսոփայական վերամշակված աղբը, պաշտոնական կիսատ գրառումները, հայտնի դեմքերի գրառումները, հայտնի դեմքերի ծիծիկները, մեկուսացվածները, սրտաբացները, ալտրուիստներն ու էգոցենտրիկները և բոլորը, բոլորը, բոլորը ահավոր են։

Ահավոր Ֆեյսբուք

Ավելորդ է նշել, որ ֆեյսբուքը նույնպես ահավոր է։ Հանրապետականների կեղծ հաշիվները ու լայքերը, ընտանեկան լուսանկարները, «որ խնդրեմ կլայքեք» գրառումները, մեծ լսարան ունեցող չմոները, տափակ հումորները, կյանք սովորացնող հռետոր էշի գլուխները, կեղծ քաղաքական վերլուծաբանները, կեղծ քաղաքական ակտիվիստները, անգլերեն գրող սփյուռքահայերը, չլայքող հայվանները, լայքող հայվանները, սրտիկողները, հահա դնողները, էնգռիները, գովասանք անողները, շների, կատուների կամ սեփական երեխաների փսլնքոտ նկարներ դնողները, երկար֊բարակ կյանքը պատմողները, լայվ մտնողները, լայվերին մերժողները, մերժողներին մերժողները, երկրաշարժերի մասին ստատուս գրողները, տարվա եղանակները ավետողները, ռիլեյշնշիփը անընդհատ փոխող մալալետկաները, մեմեր տարածողները, մեմերին դիսլայքողները, սին անող, բայց չպատասխանող կովերը, անընդհատ մեսիջ ուղարկող պարապները, բլոկողները, իգնոռողները, տրանսլիտով գրողները, հայատառություն քարոզողները, վերլուծաբանների վերլուծաբանները, քրիստոնյաները, քրիստոնյա աթեիստները, աթեիստ քրիստոնյաները, շտապ տարածողները, անխնա տարածողները, տարածողներին տարածողները, էջերի մարքետինգ անողները, լայք հավաքող անիմաստ էջերը, գովազդող էջերը, գովազդները, թույն, իրանց ամեն ինչի գիտակ դրած խելացի ֆեյսբուքցիները, ամեն ինչ, ինչ այս արևի տակ արժանանում է գեթ մեկ լայքի՝ ահավոր է։

Ահավոր Սփիւռք*

Հիրավի, ահավորությունից ազատ չեն նաև Սփիւռք*ահայերը։ Երեկոյան դասական արվեստի մեմասիկները, կեսգիշերյան վեհ լսելիքները, հետգիիշերյան Հեգելյան փիլիսոփայությունը, լուսադեմին քնելու մասին չկատարված խոստումները, դասական ուղղագրությունը, բոլշեւիկեան ուղղագրութիւնը, տարին մեկ անգամ հայտնվող խորհրդավոր Սփիւռք*ահայերը, տառապող հոգեբանական սուբյեկտները, բրսեեեիած[1] էսեիիիները, անհասկանալի գրառումները, անհասկանալի քննարկումները, քննարկումների արդյունքում ձևավորվող անհասկանալի արդյունքները, երկար գրված՝ ոչինչ չարտահայտող մտքերը, կարճ գրված, բայց տիեզերքում պարադոքս ստեղծող մտքերը, դանդաղաշարժությունը, փոքրահասակ սփիւռքցիները, մեծահասակ, բայց փոքրահասակ թվացող սփիւռքցիները, ֆեսյբուքում վաղուց թրենդից դուրս եկած, բայց սփիւռքում նոր֊նոր տարածվող մեմերը, ես, դու, մենք բոլորս, որ ինչ֊որ կասկածելի տեղերից այստեղ հայտնված սփիւռքցիներ ենք՝ մենք ահավոր ենք, դրա համար էլ գոյություն ունենք։

Ահա եւ վերջ

Ահավոր կյանք

Կյանքի ահավորությունը ամենալավ նկարագրում է Աստվածաշնչի հետևյալ մեջբերումը․

«Ահավորություն ահավորությանց, ասաց Ժողովողը, ահավորություն ահավորությանց, ամեն ինչ ահավոր է»։

Հիրավի, կյանքը ահավոր է։ Եվ մենք ապրում ենք այս ահավոր կյանքում, որովհետև մենք նույնպես ահավոր ենք։

տե՛ս նաեւ բրինձ

ահավոր սփիւռք*