Գոռ Վարդանյան

դու չար արա՞րք ես կատարել` Գոռը գալիս է քո հետևից

Գոռ Վարդանյան` կառատեիստ, չեմպիոն, սիրված-դերասան, նախկին նախագահական թիկնապահ, Չակ Նորիսի հայաստանյան ներկայացուցիչ, որոշ տվյալների համաձայն` նույն ինքը կինոների մեջի Գոռը, նույն ինքը Չակ Նորիսի ահն ու սարսափը, կամ են կարատեիստ տղեն, կամ նույն ինքը Բրյուս Լիի հայկական մարմնավորւոմը, կամ թաքնված վագրը, կամաց մոտեցող վիշապը (ԱրմՔոմեդու տվյալներով):

Լայն մասսաներին հայտնի է դարձել 2000-ականների սկզբին, երբ հայրենական կինոյում տիրող կատարյալ վակուումի պայմաններում բացը լրացրել է 1980-ականների ամերիկյան Ճ կարգի մարտաֆիլմերը կապկող կինոնկարներով: Էս հայերը այդ բայևիկները շատ սիրեցան, Գոռի գործերը սկսեցին լավ գնալ, դարձավ ինքը շատ սիրելի, հետո մեկնեց ԱՄՆ: Սակայն այդ մեկնումով նրա ակտիվությունը չպակասեց, նույնիսկ հակառակը` այնտեղ Գոռը սկսեց սերիալներ նկարահանել!!!! Մինչև վերջերս հայեցի հեռուստացույցի ամենահայտնի դերասանն էր: Ամենահայտնիի դափնին, սակայն, իր ձեռքից պոռնոխարդախանքով խլեց Անժելա Սարգսյանը:

Ակունքներ

Տիեզերքի պատմության մեջ երկու ամենազորեղ էակները որոշում են ինչպես պատժել մարդկությունը

Գոռի փեյջը Սֆաթդավթարում հայտնում է իր միլիոնավոր երկրպագուներին, որ նա ծնվել է 1972 թվականին, իսկ կառատե սկսել է պարապել 1984 թվականից (շատ խորհրդանշական է, եթե հիշենք Օռուելի էն հայտնի գործը, էն որ "Animal Farm"-ը չի` մյուսը): Անկախության տարիներին բացվեցին դռները ու մեր հերոսը սկսեց մասնակցել տարբեր առաջնություններին: Նույն տարիներին եղել է Լևոն Տեր-Պետրոսյանի և Գագիկ Հարությունյանի առաջին անձնական թիկնապահը, հետո հակաահաբեկչական խմբի ղեկավար, ապա, արդեն Քոչարյանի ժամանակ 10 տարի եղել Ազգային անվտանգությունում:

Պետության հետ աշխատելու հետ միաժամանակ աշխատացրել ա Հայոց ֆուլ-կոնտակտ կառատեի ֆեդերացիան, իսկ 1998-ին, ՈՒՇԱԴՐՈՒԹՅՈՒՆ, սև գոտի է ստացել ՉԱԿ ՆՈՐԻՍԻՑ!!! Զարմանալի է, թե ինչպես այդ երկու հսկաները մինչև հիմա չեն որոշել ստրկացնել ամոբղջ աշխարհը: Երևի մարդկային ռասսան իրանց համար շատ ճղճիմ ա ստրուկ լինելու համար:

Գոռամատոգրաֆ

Այս հայացքից հետո դեռ ոչ ոք կենդանի չի մնացել

Գոռի ու կինոյի պատմական հանդիպումը տեղի է ունեցել դեռ 1995-ին: Բայց միայն 1999-ին Հայաստանը ստացավ իր Ժանկլոդվանդամին, Առնոլդին, Սիլվեստռին, Բռուսլինին ու Չակնորիսին մեկի մեջ` Գոռը նկարահանվեց "Խավարման օրը" ռազմահայրենասիրական, դարակազմիկ, շրջադարձային մարտաֆիլմում, մերկացնելով հասարակության ամենափիս շերտերի ամենափիս խասյաթները (գողություն, կոռուպցիա և այլ քըխ բաներ) և պայքարեց դրանց դեմ միակ հնարավաոր ձևով` սենց շատ ջղային հայացքով ու վանդամ-սթայլ շրջադարձ ոտահարվածով: Ու ստացվեց: Դրա համար 2000-ին լույս տեսավ արդեն շատ ավելի խորը քաղաքական ենթատեքստ ունեցող "Ընտրությունը", երկու տարի անց` "Չգրված օրենքը", հետո հայ-ռուսական "Լոտուսի եսիմինչը" և վերջապես Գոռի կյանքի կարևորագույն ֆիլմը` Ղարաբաղյան ազատամարտի մասին պամտող "Ճակատագիրը" ռազմապատմահայրենասիրական կինոկտավը (որոշ տվյալների համաձայն կտավի գինը 3,8 միլիոն ամերիկյան տուգրիկ է), որը, մասնավորապես, փրկեց Գոռի ներկայությունից Սերժ Սարգսյանը կաբինետը: Բանն այն է, որ այդ ֆիլմի նկարահանումների խաթըր Գոռը հրաժեշտ տվեց նախագահական աշխատանքները և վերջապես կենտրոնացավ "Վրիժառու" սերիալի նկարահանումների վրա:

Դերասանական խաղի առանձնահատկություններ

Նմանատիպ հարվածից ոչնչացել են դինոզավրները

Գոռը կինոներում քիչ ա խոսում որ չմոռանա տեքստը ու բացարձակապես չի օգտվում միմիկայից` դեմքի մկանները փոխարեն նրա էմոցիաները արտահայտվում են կառատեյով` հարցրեք իր թշնամիներին: Հաճախ, դաժանաբար ծեծելուց առաջ Գոռը նաև ապտակում է զոհին իր շլացուցիչ հայացքով: Գոռը սեփական դերասանության մասին. "Եթե այդքան սարսափելի վատ լիներ, չէինք շարունակի: Ես հանգիստ եմ՝ ժողովուրդն իր դրական գնահատականը տալիս է:" Ըհը, ինչպես միշտ մեղավորը ժողովուրդն ա:

Գոռ Վարդանան կերպարը

Գոռ Վարդանյանի կինոներում գլխավոր հերոսի (չասենք հերոսների, որովհետև ըստ էության, ինքը բոլոր ֆիլմերում լրիվ նույնն ա) անունը Գոռ ա: Որոշ միամիտ մարդիկ կմտածեն, թե դա արվում է նրա համար, որ նկարահանման հրապարակում մեծանուն կառատեիստը հասկանա, որ իրա հետ են խոսում, բայց ինքը ունի շատ ավելի տրամաբանական բացատրություն այդ երևույթի, ծիտատ. "Ես անում եմ աշխատանք, եւ մեր նպատակն է ֆիլմի միջոցով կերտել մի կերպար՝ Գոռ Վարդանյան կերպարը, որը պայքարում է արդարության համար, մարտնչող մարտիկ է ու որը կդառնա սիմվոլ, որովհետեւ ֆիլմը մի երեւույթ է, որը նստում է մարդկանց գիտակցության մեջ: Այս տարիների ընթացքում մենք կարողացել ենք ստեղծել ու պահպանել այդ սիմվոլը:"

Ֆուլ կոնտակտ խորհուրդներ

Նախկին և ներկա քաղաքապետերին բախտ է վիճակվել լուսանկարվել Գոռ Վարդանյան կերպարը կերտող Գոռ Վարդանյանի հետ

2009 թվականին Գոռ Վարդանյանը նշանակվեց քաղաքապետ Գագիկ Բելգարյանի խորհրդական մշակույթի, կրթության, սպորտի գծով։ Սույն նշանակումն արվել է` հաշվի առնելով Գոռ Վարդանյանի բարձր ինտելեկտուալ հնարավորությունները (!!!)։ Ահավասիկ ԱրմՔոմեդու պատկերավոր մեկնաբանություններն այդ առիթով: Այդուհանդերձ, հայ հասարակությունը զրկվեց Գոռի նման հանճարի խորհուրդներից, քանի որ վրա հասավ Դոմինգոն դավաճանության զոհ դարձած քաղաքապետի հետ իր պաշտոնը լքեց նաև Գոռը (նշենք, որ երևանցիների բախտը բերեց, որ Գոռը չորոշեց վրեժխնդիր լինել` հիմա Երևանի տեղը ջրափոս էր լինելու):

Կարծիքներ

Ահա, թե ումից է սովորել շպագատ իջնել Ժան-Կլոդը!!111

Գոռը չի սիրում ուշադրություն դարձնել չկայացած մարդկանց, հարբեցող մարդկանց ու նման կատեգորիաների քննադատություններին (հղում), ինչը, անշուշտ, արվում է միայն այդ մարդկանց առողջությանը չվնասելու համար: Փոխարենը Գոռին դզում այսպիսի հիմնավոր և հավասարակշռված կարծիքները (ուշադրություն, տրանսլիտ-alert!!!).

• GOR@ SHAT LAVNA KINONER@ KYANQ EN SOVORACNUM VOCHTE URISH SERIALNERI NMAN ZIBIL U LAC U KOC SRANq SHAT LAV KINONER EN U GOR JAN SHAT LAVA VOR DU KAS APRES
• iskapes Vrijarun im tesac filmeric amenahrashali filmn a. vorovhetev hachuyqov u hetaqrqrutyamb es nayum.. karch konkret u hetaqrqir.. voch te yerkar u animast .. halala Gorin u ira kinoyin
• Gor dzez sha sirum u hargum em . Chem kaskacum vor duk qankum el nuyn azniv chshti koqmnaki mardes inchpes qo dereri mech . Unem yerku vordi u shat urx klinem vor dzez nman mecatarov mart linen u yerevi klinen . im karcikov chishtem dascirakel Gor jan lines kanqum misht hajoxch aroxch yerjaniq qo @ndaniqi het

Այ սա ամենալավն ա.

• Hiastaputyun tox apren nranq ovqer sax or@ forumner commentner en grum,gisher cerek facebook-um iranc karciqn en artahaytum ,sran nran qnnadatum kam govabanum,,,,bajc iranq vochmi ban chen voch erkri,voch joxovrdi,to voch el iranc sepakan @ntaniqi(vortev 24jam facebook-um qccac en(knereq urish bar cgta harmar)u uxxaki jamanak chunen urish baneri hamar,u sranq en mer esorva karciq hajtnoxner@.

GORIN halala,inq@ lav gorc a anum,ira herox@ voch goxakana a voch el oligarx,voch el deputat,sovorakan sportsman ,,,uxxaki vat@ ena vor inchqan el uzenan cuyc tan da,meka a bolor najoxner@ porcelu en nmanvel voch te Gorin,ajl Deputatnerin,Goxerin,u kinoji bacassakan kerparnerin….

Նկարներ

• 

  Գոռը նաև երաժիշտ է

• 

  Հայացք + պրիյոմ = փրկվելու շանս չկա

• 

  Գոռի ոտքը կհասնի բոլոր չար մարդկանց

• 

  Գոռ Վարդանյան կերպարը պատժում է հերթական չարագործին

• 

  Մեկ-մեկ կարելի ա կրակել...

• 

  ...բայց Գոռի ոտից ուժեղ բան բնության մեջ դեռ չի եղել

• 

  Պարոն Ծառուկյանի հետ

• 

  Գոռի վիզիտկան իր ռուս երկրպագուների համար

• 

  Մի քիչ էլ ու Գոռը չի դիմանա ու կպիսկի Չակ Նորրիսին

• 

  Իսկ դու աղաչե՞լ ես Գոռին, որպեսզի ինքը հայացքով չչորացնի քո ուղեղը?!

• 

  Գոռի տրամադրությունը բարձր է, ուրեմն Աշխարհի վերջը հետաձգվում է

• 

  Իրականում Գոռը չի հանգստանում` նա ոտքերով տանջամահ է անում բոլոր կաշառակեր չինովնիկներին