Չտեսություն

չՏեսությունը հայկական լուրկոմարն է, մեմերի, բանահյուսության և այլևայլ բաների հանրագիտարանը։ Նաև այն կայքն է, որտեղ դու գտնվում ես։

չՏեսությունը ՝ սպերմատոզոիդ ջահել վախտերը

Էությունը

Օլդերը կհիշեն չՏեսության առաջին լոգոն

Ըստ էության, չՏեսությունը Lurkmore-ի, և մի քիչ էլ Encyclopedia Dramatica–ի հայկական տարբերակն ա։ Մինչև ՀՀ գալը նույն դրամատիկան գոյություն ուներ դեռ 2004թ․–ից, իսկ Լուրկոմորյեն հայտնվեց 2007–ին։ Եվ որոշակի կոմրադների խումբ որոշեցին ճտցնել հայկական լուրկը, զուտ ոգևորված լինելով "ալտերնատիվ" վիքիների առկայությունից։

Հիմնականում այդպիսի վիքիները ի հայտ են եկել օրիգինալ Վիքիպեդիայում մեմերի մասին հոդվածների ջնջման պատճառով, մոլ – դրանց մեջ որևէ արժեք կամ նշանակություն չկա։ Հայկական վիքիպեդիան բացվել ա 2004թ․ մայիսի 27–ին, իսկ 2004թ․–ին Հայաստանում մեմ հասկացողության մասին գիտեյին հազիվ թե 2.5 հոգի, ու էն էլ իրանց թայֆեքում, իսկ ինտերնետը որպես տարածված երևույթ (ավելին քան ադնագլազնիկները և էդ ձեր ֆեյսբուքները) մեր մոտ դարձավ 0–ականների վերջերին։

Առաջին արձանագրություններ

չՏեսության մասին առաջին սեպագրերը պահպանվել են ԺԺչկայում դեռ 2010թ․–ին Արտավազդ Եղիազարյանի (a.k.a. art_yeg) կողմից ՝ այ այստեղ։ Այդ ժամանակ կայքը բացվել էր Նորայրի սաբդոմեններից մեկում և հասանելի էր chtesutyun.arnet.am հասցեով։ Սակայն 2015–ին, երբ հայտնվեցին էժան ու բոլորին անպետք ․հայ դոմենները, այդտեղից չՏեսիկը տեղափոխվեց դեպի ներկայիս դոմենը և ձեռք բերեց «ահավասիկ» երկրորդ անունը։

Հիմա

Հիմա կայքը գտնվում է բոլորին անհայտ վիճակում։ Այստեղի հոդվածների ճնշող մեծամասնությունը անհույս հնացել են ու ակտուալ են մաքսիմում 10–ականների սկզբերի համար։ Վերջին անգամ 2020–2022թթ․ թեթև փոփոխություններ ու լրացումներ են կատարվել ԴաշիռակՏռիԴԷ–յի կողմից, ու դա էլ առանձնապես չի օգնել։ Եթե անցյալ վարիացիայում դեռ ինչ–որ աշխատանք վարվում էր կայքի ակտուալությունը պահելու նպատակով, ապա ներկայիս կայքում մինչ օրս առկա են MediaWiki-ից մնացած տրոպեր ու մնացորդներ, որոնք յավնի մատնանշում են կայքի ոչ հիմնային վերամշակման մասին։

Իսկ նենց, հուսանք որ այս կայքի մասին էլի իմացողներ կլինեն․․․