Էմո
Էմո` 12-15 տարեկան բալեքի համար նախատեսված ենթամշակույթ: Տարածված են աշխարհով մեկ: Էմո-ն ամերիկերեն emotional-ից է առաջացել: Այսինքն էմո են գրանցվում շրջապատի հետ լեզու չգտնող մանուկները, կամ ասենք անպատասխան սիրուց տառապող 13-տարեկանները: Հայաստանում կա մի քսան հոգի, բայց անհայտ պատճառներով 2010 թվականի վերջին նենց մի շուխուռ բարձրացվեց ՀՀ զլմներում, որ տպավորություն ստեղծվեց, թե Հայաստանը կործանվում ա էմոների և դրանց պռոծիվ կուտոկի` գոթերի կործանարար, հակահայեցի գործունեությունից: Առավել խնդցնող են այս հարցի մասին հրապարակումները ինտերնետային զլմներում, ինչպես նաև քննարկումները ԿՄ-ում ու ֆորումներում: Այս պահի դրությամբ (25.11.2010) էմոները իննադու հղիների հետ մեկ տեղ հանդիսանում են ՀՀ համար մեկ ներքին թշնամին:
Ընդհանուր բնութագիր
Հագնում են սև կամ վարդագույն շորեր, կիպ գրկող ջինսեր, եղունգները սև են ներկում: Ամենակարևորը` սևի ու վարդագույնի համադրումը: Էմոների համար նախատեսված մի ամբողջ ուղղություն կա: Այդ ուղղության ներկայացուցիչ խմբերին և կատարողներին չիմացողները թյուրիմացաբար համարում են ռոք-երաժիշտներ: Թյուրիմացությունների շարքից են Տոկիո Հյուրանոցը, Ավրիլը, որը Լավիգն է, Բլինք-մեկութերկուսը և ոչ մի պոեզիա բնավ:
Ենթամշակույթները Հայաստանում
Նախքան անցնելու բուն բազառի թեմային, արժե մի պարզաբանում մտցնել: Այսպես կոչված ենթամշակույթները աշխարհքումը և Հայաստան աշխարհում նույնքանով նույնն են, ոնց որ Էմմին ու Բեյոնսեն, կամ Ռոլանդն ու Բոբ Մառլին: Ամենաթույն օրինակը բերում է կոմրադ Դաբավոգը, նշելով, որ 1970-ականների հիպպիները Արևմուտքում ու հիպպիները Հայաստանում գտնվում էին Տիեզերքի տարբեր ծայրերում, չնայած ծիպը կրում էին նույն թայթլը: Եթե իրանց հիպպիները տնից փախնում էին, կոմունաներով էին ապրում, սաղովի սեքս էին անում, ուռում էին սաղ օրը ու էն ժամանակ ոչ հարգի ռաքնռոլ էին լսում, ապա մերոնք չնայած որ ունեին երկար մազեր ու ճղված ջինսեր, մեկ ա ժամանակին գալիս էին տուն, սովորում էին ինստուտում և սիրում տատիկի գաթան: Այլ կերպ ասած, վերցնում էին մենակ արտաքին տեսքը ու, ասենք, երաժշտությունը (օրինակ Փառփլ): Նույնը հստակորեն կարելի ա ասել մնացած բոլոր ենթամշակույթների մասին, այդ թվում էմոների:
Էմոների ձևավորումը Հայոց լեռնաշխարհում
Սույն հոդվածի հեղինակի տվյալներով առաջին էմոն Հայաստանում հայտնվել է 2007 թվականին: Էդ որտեղից տենց եկավ ու հայտնվեց մեր գլխին` չի հստակեցվում: Համենայն դեպս, երեք տարի չանցած մի փիառ եղան էդ էմոները, մի սաղ սկսեցին խոսալ դրանց մասին: Հայ հասարակության էմոյականացումը իսկական մարտահրավեր դարձավ մեր ազգի փառապանծ ապագայի համար պայքարող իրական հայրենասերների համար: Ինչպե՞ս սա պատահեց? Ինչո՞ւ այս կոմպլեքսավորված ջահելները, որոնք մինչև հիմա ոչ մեկի տանձին էլ չէին, մեկ էլ սկսեցին սաղի տանձին լինել? Հակաէմոյական հիսթերիայի կարևորագույն պատճառը Հրազդանում 15-ամյա պատանու ինքնասպանությունն էր: Ըստ որոշ տվյալների, տղայի ընկերների մեջ էմոներ կային: Ցանկացած խեքլը գլխին մարդ կհասկանար, որ հենց դիպրեսոտ էմոյական շրջապատն էլ ստիպել ա խեղճ երեխուն ինքնասպանվել: Բա էլ ուրիշ ի՞նչ: Պետք է նաև արժանին մատուցել մեր հայեցի լրագրողներին, որոնք մեծագույն հաճույքով սկսեցին քննարկել էմոների դեստրուկտիվ, հակահայեցի, ապազգային և քխա լինելը:
Հայեցի պայքարն ընդդեմ էմոյական չարիքի
Ելույթ է ունենում Հայ Առաքելական Եկեղեցին
Ու ստե սկսվաաաաա~վ: Նախ, հայ առաքելական եկեղեցին, մի պահ մոռանալով կինոՄոսկվայի ամառային դահլիճի ոչնչացման սրբազան նախագիծը ողջ ուժերն ուղղեց հակա-հոգևոր այս էմոյական շարժման դեմ պայքարին: Ոչ ավել ոչ պակաս "մեր եկեղեցին պայքար է սկսել էմոների եւ գոթական շարժման դեմ: Առաջիններն ինքնասպանություն են քարոզում, երկրորդները սադիստներ ու մազոխիստներ են. թե իրենց, թե ուրիշների հանդեպ շատ ագրեսիվ ու դաժան են: Ըստ սարկավագի, առաջիկայում եկեղեցու ներկայացուցիչները կարտահայտեն իրենց տեսակետն այս ենթամշակույթների վերաբերյալ: Մեր եկեղեցին արդեն ունի ուսումնասիրություններ ու մշակված գրականություն` նրանց վնասակար գործողությունների դեմ պայքարի վերաբերյալ" (այստեղեն): Հուսանք, որ էմոներին ոչնչացնելուց հետո Եկեղեցին կրկին կվերադառնա ամառայինին: Ինչևէ:
Էմոների որջը Մանկական երկաթուղու թունելում
Հետո բոցեց ոմն Արա Հարությունյանը, որը, վախ հորս արև, չալարեց, մամուլի ասուլիս հավաքեց ու, օ, աստվածնե~ր, հայտարարեց, որ ստորագրահավաք ա սկսում, որով պահանջում ա մաքրել և մշտական հսկողության տակ առնել Մանկական երկաթուղու թունելը, որը դարձել է էմոների հավաքատեղի, ու մի բան էլ բացատրեց` "Պատերի վրա պատկերված տարօրինակ նշաններն ու հայհոյանքներն ինֆորմացիայի աղբյուր են այն երեխաների համար, ովքեր կարող են հետաքրքրվել և ներքաշվել նման շարժումների մեջ": (փրոֆլինք): Ու մարդիկ էնքան էին ցբխվել, որ մեկի մտքով չանցավ ասի` սիրելի ակտիվիստ, ուզում ես մաքրես` գնա մաքրի: Կամ էլ, ասենք, էդ անտեր թունելի պատին նկարած ճուճուլիկները և բազմազան քֆուրները նենց մտահոգվելու թեմա չեն, բայց այ ԷՄՈՅԱԿԱՆ ՆՇԱՆՆԵՐԸ ԿՈՒՏԵՆ ԴԵՌԱՀԱՍ ՄԱՆՈՒԿՆԵՐԻ ՈՒՂԵՂՆԵՐԸ!!!!
Փոքրիկ էմոների հսկա թշնամիները
Ուշքի չէինք եկել Ա. Հարությունյանի դարակազմիկ ստորագրահավաքից, մեկ էլ աշխուժացավ Հայաստանի հսկաների ֆեդերացիան (գիտե՞իք, որ տենց բան կա???): Այս սրբազան, հայեցի պայքարին հսկաներին հրավիրեց Հայաստանի երիտասարդական կուսակցությունը: Ծիտատ. “Մեր կուսակցությունը պայքարելու է այս և նման այլ արատավոր աղանդների դեմ, քանզի դրանց Հայաստանում անհրաժեշտ է բնաջնջել: Մենք պետք է մտնենք դպրոցներ, համալսարաններ, բացատրենք երիտասարդներին, թե որքան վտանգավոր են նման աղանդները'”, ասել է կուսակցության նախագահ Վահան Բաբայանը: Տենց եթե ինչ-որ մեկի հետաքրքիր ա, նշենք, որ էմոները աղանդ չեն բնավ, այլ ենթամշակույթ: Չնայած, ի՞նչ տարբերություն: Դնենք փռթենք տեղն էլ եկեղեցի կառուցենք:
Հայեցի ոստիկանությունը` ազգային բարքերի պաշտպան
Քիչ ավելի ուշ զլմներում սկսեցին հայտնվել խորհրդավոր ակնարկներ այն մասին, որ խեղճուկրակ էմոների վրա փող են աշխատում տարիքն առած լուրջ մարդիկ: Ի վերջո, ՀՀ ոստիկանության համբերության բաժակը լցվեց և իրանք հիմա կսկսեն լրջորեն զբաղվել այս խնդրով նրանք արդեն սկսել են որսալ պատանի այլասերվածներին: պիզդեց պադկռալսյա նեզամետնը: Դեպքից հետո ոստիկանության Կենտրոնի բաժնի պետ Աշոտ Կարապետյանը փայլեց բացառիկ, առասպելական, ինչու՞ չէ` դարակազմիկ մի ծիտատով, որով կարելի ա փոխարինել Արգիշտի Առաջինի սեպագիր արձանագրությունը (էն արդեն ակտուալ չի)` «Ձեզ ոնց ա թվում... երիտասարդ երեխաներին միգուցե ճիշտ պրոֆիլակտիկա տանեն, հետ կանգնեն էդ մտքից, որովհետեւ մենք դեպքեր ենք ունեցել, երբ ինքնասպանություն են գործել, դուք համարում եք դա լա՞վ բան ա: Դրա համար, եթե էսօր իրականում էմո են, եկեք միաձուլվենք ու պայքարենք էդ երևույթի դեմ... Եթե էմո են, ինձ թվում ա՝ ճիշտ են արել, որ հրավիրել են, եթե նման բան կա, ուրեմն խրախուսելի ա: Եթե բաժինը հրավիրում ա, օպերատիվ տեղեկություններ էլ կարող ա ունենա... Մարդկայինով վերցրած՝ մեր ազգին հարիր չի, մենտալիտետի մեջ չկա նման բան, որ մեր երեխեքի թեկուզ 0,001 տոկոսը նման ուղղվածություն ունենա, դուք էլ, հասարակական բոլոր կազմակերպություններն էլ պիտի միաձուլվեն ու պայքարենք այս ահավոր կեղտի դեմ...»: Ի տարբերություն շատ այլ դեպքերի, հակա-էմոյական դվիժենիների ժամանակ հասարակության մեծ մասն ու հայոց բլոգոտարածքը միաձայն սկսեցին ղժալ ոստիկանության և այլ կառույցների գործունեության վրա, ուղղված էմոների դեմ: Սակայն այստեղ էլ գտնվեցին իսկական հայրենասերներ, որոնց համար մեկ չէ մեր ազգի ապագան: Առավել դիպուկ է արտահայտվել այս թեմայով Մեծն հայրենասերն Լեռնցին` "Ոստիկանութիւնն է, հարկ է համարել, ձերբակալել է, ձեր ի՞նչ գործն է", և հավելում "Ինչ որ մէկը կ'ուզի՞ որ վաղն իր աղջիկը դեռ 12-13 տարեկանը չբոլորած սկսի իրեն չենթարկուել, անի այն ինչ ուզում է.... ու դրա մէջ կարայ լինի սեքս, կարայ լինի ամէն ինչ, ամէն ինչ, ինչ կարայ անցնի էդ տարիքի էրեխու գլխով ներկայ ինֆորմացիոն հօսքերի ազդեցութիւնից":
Բաբուխանյանը զգուշացնում է
Շատ չանցած պայքարին միացավ նաև "Սահմանդրական իրավունքի միություն" կուսակցությունը: Կուսակցության ղեկավար Հայկ Բաբուխանյանը լուրջ դեմքով և ծանդր ձայնով պահանջեց Հայաստանի Ազգային անվտանգության ծառայությունից, որպեսզի քայլեր ձեռնարկվեն, կանխելու համար էմոների գործողությունները մեր երկրում: Ըստ մտքի գիգանտի էմոների շարժումը հայտնվել և տարածվում է Հայաստանում օտարերկրյա ուժերի աջակցությամբ և վնասում է երիտասարդների դաստիարակությանը ազգային-հայրենասիրական ոգով:
Էմոների ֆաշիստական պոտենցիալը
Իսկ հոգեբանական գիտությունների թեկնածու, դոցենտ, գլխավոր մասնագետ, "Այգ" հոգեբանական ծառայության կենտրոնի տնօրեն Ռուբեն Պողոսյան խելացի և դեմքով ամենայն լրջությամբ նշում է, որ "Էմո-ներից կարող են ստեղծել ֆաշիստական խմբեր": Ոչ ավել ոչ պակաս` ֆաշիստական խմբեր:
Այլընտրանքային պայքար
Ոմանց կողմից առաջարկվում է նաև պայքարի մեկ այլ տարբերակ: Ինչպես հայտնի է, մի շարք առաջադեմ արևմտյան երկրներում թմրամոլության և պոռնկության դեմ պայքարելու փոխարեն թմրանյութերն ու պոռնկությունը լեգալացվել են, այդպիսով պետության կողմից վերահսկողության տակ վերցվելով: Նույն ճանապարհով կարելի է հաղթահարել նաև այս խնդիրը: Այն է` լեգալացնել էմոյա-գոթական ենթամշակույթները և ավելին` ստեղծել ՀՀ Ենթամշակույթի նախարարություն:
Դավադրության տեսություն
Դեռ 2009 թվականին երկու տասնհինգամյա բալիկներ, համախմբվելով KED մանկապատանեկան երաժշտական համույթի, կանխազգալով ապագա հակաէմոյական շարժումը որոշեցին պաշտպանվել Եկեղեցուց, Հսկաներից, Ա. Հարությունյանից, ԱԵԿից և ՀՀ ոստիկանությունից, պնդելով, թե նրանք էմո չեն բնավ: Տեսահոլովակը կրկին ասպարեզում հայտնվեց էս վերջին շուխուռների ժամանակ, ինչի հետևանքով արդեն արտահայտվում է կարծիք, թե ողջ էմոյական շուխուռը ոչ այլ ինչ է, քան խորամանկ փիառ, երգի և կատարողների նկատմամբ հետաքրքրություն բարձրացնելու համար: Կարծիքից նաև կարելի է ենթադրել, որ աղջիկները ունեն ծանոթ-բարեկամներ ՀՀ ոստիկանությունում, Հայ առաքելական եկեղեցում, Երիտասարդական կուսակցությունում և Հայ հսկաների մեջ: Ծանոթներն էլ իրենց հերթին նատուռի բան ու գործ չունեն անելու, կամ էլ տժժալու կայֆ ունեն:
Ըստ մեկ այլ վարկածի, թուրքա-ջհուդա-մասոնական հակահայ oտար գործակալները հակաէմոյական հիստերիա են հրահրում Հայաստանում` մեր ազգին պառակտելու համար: Ոնց որ ստացվում ա:
Ուշադիր ցանցառները նկատեցին ևս մի ուշագրավ երևույթ. հայ մանուկների մեջ էմոյական կործանարար գաղափարախոսություն տարածողներից է նաև Գրանդ Քենդու ՎԱՐԴԱԳՈՒՅՆ փիղը!!!!! Ծնողներ, զգուշացեք այդ չորս տոննայանոց ԷՄՈՅԻՑ!!!!! Ավելին, հազարներով վաճառվող պոնչիկներից ստացված եկամուտը միգուցե օգտագործվում է էմոների համար սև լակ և վարդագույն նասկիներ գնելու համար:
Էմոների պաշտպանության կոմիտե
Տենց բան դեռ չկա, բայց կոմրադ housekeeper-ը առատաջարկում է էմոների պաշտպանության հասարակական կոմիտե ստեղծել։ "Հասկացանք, քիչ մը «տարած են», բայց հիմա ինչ, սանրվածքի համար փողոցներում պիտի երեխեքին բռնեն, հա՞", ասվում է հաղորդագրության մեջ։ Ֆեյսբուքում արդեն գործում է Հայաստանի միացյալ էմոներ խումբը, բացի դրանից Երևանի անպաշտպան էմոներին իրենց աջակցության մասին են հայտնել ուշադրություն` ԿԱՌԱԲԱԽՍԿԻ ԷՄՈՆԵՐԸ!!!! Ահավասիկ փրուֆլինկ:
Արամ Ասատրյան` էմո
Թերևս ամենացբխիչ բացահայտումներից մեկը կատարվեց հայ մեծանուն սիրված երջանկահիշատակ գուսան Արամ Ասատրյանի արվեստում: Էմոյական շուխուռների ամենաթեժ պահին ցանցառներից մեկը հայտնաբերեց ԴուԽողովակում դարակազմիկ մի երգ գուսան Արամի երգացանկից` "ԷՄՈ" (!!!!): Երգի կրկներգը կարող է սրտի կաթված հասցնել ոչ պատրաստ ունկնդրին` "Էմո, էմո, էմո դու բոլորից բելիսիմո..." ՃՃՃՃ: Ցավոք, քանի որ սիրված երգիչն այժմ գտնվում է այն աշխարհում, հնարավոր չէ նրանից մեկնաբանություններ ստանալ էմոների և նրանց շուրջ բարձրացած աղմուկի մասին:
Ինչպես օգտագործել էմոյական թեման սեփական շահերի մեջ
Եթե ձեր դասարանում կա լկտի, լկստված, համը հանող երեխա, որին ոչ մի ձև չեք կարում կարգի հրավիրել, զանգեք ոստիկանություն և ասեք, որ նա էմո է: Առնվազն խնդալու կստացվի:
Ծիտատներ
- Էմոների դեմ պայքարելը առնվազն գոթություն ա:
- Փիղ
- Մարդկայինով վերցրած՝ մեր ազգին հարիր չի, մենթալիտետի մեջ չկա նման բան, որ մեր երեխեքի թեկուզ 0.001 տոկոսը նման ուղղվածություն ունենա:
- Էմոների դեմ պայքարող գոթ ոստիկան
- էմոյի աչքին սաղ գոթ են երևում
- Փիղ
- Ես էմո չեմ
- ԿԵԴ
- Ես էմո եմ
- Բարսեղյան Էմո Էդո
- Я - эмо!
- Էմո, էմո, էմո դու բոլորից բելիսիմո
- Արամ Ասատրյան
- I have a dream... I have a dream that one day the emos and the policemen of Armenia will be holding hands and sitting together at the table of brotherhood...
- Martin Luther King Միկա Էլ Զոլիան
- Долой Эмо, Сатанистов, Готов, Свидетейлей Иеговы и всяких мусоров из Армении!!! Слава Армянам Армянской Апостольской церкви! Почистим наш город и нашу страну от нечистей таковых!
- Armen Արմեն Ovakimyan Հովակիմյան
- Չեմ հասկանում, թե ինչու հայրս ինձ չի ընդունում: Ախր ես ոչ մի վատ բան չեմ անում:
- Միամիտ հայ էմո-բոյ
- Эмо окружают меня, заходят с флангов, с тыла. Их много, но я не сдамся, буду отстреливаться, пока еще есть патроны... Слышите, эмо, вам не взять меня живым. А полиция РА отомстит вам за меня!
- Միկա Էլ Զոլիան
- я никогда не трахну эмо
- aramx
- Էմոները իմ կարծիքով ուրիշ ազգերից ինչ-որ բան սովորած մարդիկ են, որոնք փորձելով նմանվել այլ ավելի զարգացած երկրներում կատարվող որոշ երևույթների, փորձում են իրենք էլ զարգացած երևալ
- Morg
Հղումներ
- Լուլզաշատ քննարկում Ակումբ.Ամում
- Ռուսական զլմները հայոց ոստիկանության տրանսվեստիտամետ և հակաէմոյական քաղաքականության մասին` այստեղ
- Հայեցի ոստիկանության ազգնվեր գործունեությունը
- United Emo of Armenia-ն Սֆաթդավթարում
- Էմոների հիմնախնդրին է նվիրված ԱրմՔոմեդու` 3DUpdate հաղորդաշարի 4-րդ թողարկումը