Ինքնասպանություն

"Հարավային զբոսայգի" մուլտսերիալի հերոս Սթեն Մարշը ունի Ցանց երկու կետ զրո ինքնասպանության մեքենա, և գիտի ինչպես այն օգտագործել (տվյալ դեպքում նա ինքնասպանվում է Ֆեյսբուքից)

Ինքնասպանություն` ինտերնետներում` սեփական ըքաունթի (պրոֆայլի) վաղաժամ հեռացումը: Մեծապես տարածված է սոցիալական ցանցերում, հաճախ կիրառվում է հայոց ինտերնետներում:

Պատճառները

Վիրտուալ ինքնասպանության պատճառները մոտավորապես նույնն են, ինչ օֆ-լայնում` լոքշ, ապատիա, դիպրեսիա: Վիրտուալ լոքշի առաջին ստադիայում, երբ դեռ հույս կա շտկել իրավիճկը, ցանցառները դիմում են ֆռենդաուբորկա միջոցին: Բայց դա էլ միշտ չէ, որ օգնում է: Ոմանք հանկարծ հիշում են թվային անվգանգության մասին ("Ամա~ն, Ադնակլասնիկը կագեբեն ա սարքել, որ սաղի մասին ինֆո ունենա, պետք դուրս գալ!!!") ու նախընտրում են հանգիստ ու խաղաղ օֆ-լայնը: Որոշ դեպքերում ինքնասպանությունը մի սոցցանցում կատարվում է ի օգուտ մեկ այլ սոցցանցի: Մասնավորապես, հայոց ինտերնետներում հայտնի են բազում դեպքեր, երբ Սֆաթդավթարում վերջնականապես վիրտուալ կյանք հաստատելու նպատակով, ցանցառները` մութ անցյալից ազատվելու համար ինքնասպանվում էին Ադնակլասնիկից: Թեպետ, չի կարելի այս տենդենցը համարել մասսայական` երկու սոցցանցերում հայեցի օգտագործողների թիվը համեմատելիս, կարելի է հասկանալ, որ Ադնակլասնիկը դեռ կրում ա, ու ինքնասպանություններից շատ չի տուժում:

Կենդանի մատյան

Դօրիանը ինքնասպանվել է ԿՄ-ից, բայց իր կոմենտները անմահ են

Բացի վերը նշված պատճառներից, ԿՄ-ում ինքնասպանության դեպքեր գրանցվում են նաև հաճախակի տեղի ունեցող ցանցաբազարների հետևանքով: Սակայն Կենդանի մատյանը հնարավորություն է տալիս վիրտուալ կյանքից հիասթափվածներին մտափոխվել և ինքնասպանությանը հետևած առաջին 30 օրը օգտագործողը կլինիկական մահ է ապրում: Այդ ընթացքում ըքաունթը կարելի է վերականգնել: Հայոց ինտերնետներում նման օրինակներից է կոմրադ Գոստը, որը ինքնահեռացվելով ԿՄ-ից շուտով վերադարձավ շարք:

Մասսայական ինքնասպանություն Ֆեյսբուքում

2010 թվականին 500 միլիոն օգտագործող ունեցող Ֆեյսբուքի բազմաթիվ ցանցառներ որոշեցին իրենց Ոչը ասել 5 միլիարդ ամերիկյան տուգրիկներից հաբռգած 25-ամյա երիտասարդ Մարկոս Շաքարյանի վարած քաղաքականությանը և հայտարարեցին, որ մայիսի 31-ին մասսայական ինքնասպանություն են գործելու, ջնջվելով սոցցանցից: Այդ նպատակով նույնիսկ մի ամբողջ կայք ստեղծվեց: Սակայն երբ օրը հասավ, ճակատագրական քայլին դիմեց ֆեյսբուքյան օգտագործողների ընդամենը 0,008%-ը (փրուֆլինկ): Բայց սուիցիդալ շեղումներ ունեցողների թիվը վիրտուալում չպակասեց և հատուկ իրենց համար ստեղծվեց Web 2.0 Suicide Machine (Ցանց երկու կետ զրո ինքնասպանության մեքենա) ծրագիրը, որի միոջոցով հեշտորեն կարելի է ինքնահեռացվել Ֆեյսբուքից, ՄայՍփեյսից, ԼինքդԻնից և Տվիթերից: